Montréal - Québec - Ottawa

D wuche montreal het es paar turbulänze mit üsem bobbby (outo) mitsech bracht!! nachdäm mr de bim erschte hostel si acho heimr gmerkt dases widr irgendnöime am rünne isch... z hostel het abr gad e mechaniker zur verfüegig gha wo üs het chönne "häufe"... isch üse heud vom tag gsi bismr usegfunge hei daser irgendwie ke ahnig het, wi so viu lüt wo üs scho ghuufe hei! am nöchschte tag isches de ab is jazz hostel u nachdäm ufd suechi nachere vw garage! dört acho heisi no gad gseh das dr eint pneu e wöubig dinne het! drum heimr ne de gad es tägli, 2 dört gla das sine hei chönne flicke! nach denä 2 täg simr de umnes paar dollar ermer gsi... :( shit happens...
im jazz hostel heimr de widr dr pädu u dr allinson troffe! u wöus ihri letschte täg si gsi simr no mitne ga ässe u ga trinke, 2, 3 ;)
u wosi üs de tatsächlech hei müesse vrlah simr no zum car ga abschiedskomitee spile, isch irgendwie scho komisch dr pädu jetz gar nüm z gseh da z kanada, isch scho so gwohnheit gsi i jedere grosse stadt eis mit ihm ga znäh! abr ou das heimr überwunde!
da mir gmeint hei am festival chönnme schlafe heimr z hostel nume bis am friti buechet! womr de usegfunge hei dases nid müglech isch dört z schlafe heimr logischerwis wöue vrlengere, was abr nüm müglech isch gsi wöus isch usbuechet gsi! si de chli ir stadt umegloffe abr wöu gad so viu fescht hei stattgfunge z montreal si eifah tatsächlech aui hostel usbuechet gsi! abr dr eran, e "arbeiter" (isch irgendwie ging nume umeghocket u het nüt gmacht) het üs de ghuufe! het e dütsche kolleg, dr max wo z montreal studiert und imene appartment wohnt! bi däm heimr de 2 nächt gratis ufem sofa dörfe schlafe!! :) isch e männer wg gsi, aso ihres bad het irgendwie schlimmer usgseh aus deu ufde campground, abr si ja froh gsi heimr nöime dörfe schlafe u är isch ou e nätte gsi!!
z festival isch nid z vrgliche mit denä ir schwiz!! heis üs viu grösser vorgsteut u d bands si ou nid sooo guet gsi! abr coldplay si aaangers abgange, di si eifach super gsi! u genau wo si gspiut hei isch no gad es füürwärk gsi, het eifach super passt! Im summer isch schins au wucheänd es füürwärk! u irgendwie isch ging irgend imene egge öpis los, sigs konzärt oder festival de rire (oder so)!
ja u ide hostel lert me viu meh lüt kenne aus ufem campground! hei es paar nätti bekanntschafte gmacht vo toronto, ängland, frankrich, israel.... isch aso great gsi!
nachere wuche montreal u widrmau action mitem bobby, (nach 2 täg ir töifgarage stah heter när nüm wöue aspringe... abr taxifahrer sei dank) simr de witer richtig Quebec.
d stadt z quebec isch ganz angers aus süsch ide grossstedt. irgendwie meh wi autstadt, sehr schön u mau chli öpis angers! abr nach 3 tag heimr de di stadt ou gseh (vorauem heimr gnue gha vo däm komische französisch) u drum isches jetz witer nach ottawa (houptstadt vo canada)! da simr hüt gad acho, drum heimr noni würklech drhuufe gsi abr si scho weiss ou nid wiviu kilometer umegloffe!! jaja zwüschdüre simr richtig sportlech ;) d stadt isch sehr suber im vrgliche zu angerne! u hie chöimr ändlech widr änglisch redä :D
si da imene hostel glandet vomene schwizer wo abr da ufd wäut isch cho, sini eutere hei da es bed % breakfast eröffnet u är vor eim monet gad näbedra z hostel! isch mit abstang z schönschte womr bis jetz gseh hei!!! gseht eifach suuper us, weni de mau guete empfang ha dueni de chli föteli ufelade abr das mitem internet hie klappet irgendwie nid so wi mir üs das vorgsteut hei... :( abr äbe chasch nid ging gwinne..
auso das wärs mau gsi fürnes wiili... häbets guet und man hört sich!