Montag, 27. Juli 2009
Freitag, 24. Juli 2009
Toronto -> Montreal, Zwüschehaut Kingston
Nach es paar täg z toronto, 2 drvo widr mitem pädu womr ging widr chli gseh, heimr de witer wöue richtig montreal. das hetsech abr de schwiriger usegseut aus mr dänkt hei. nachdäm mr no chinatown si ga aluege simr zum bobby id töifgarage u womr ne hei wöue alo isch doch tatsächlech d batterie dunge gsi... die vor garage hei de wöue überbrügge abr wöu vor üs e angere gad z gliche problem het gha heissi zweni power i ihrem grätli gha drum hets gheisse chömet i 2 stung widr när probiere mr nomau... nach denä 2 stung heisi nomau probiert u nix isch gange! :( schlussändlech, nach öpe 4 stung isch de e abschleppwage cho überbrügge. mir si ja ganz u gar nid gnärvt gsi u hei de no mits dür toronto dörfe fahre (=seeehr viu vrchehr u ample) richtig montreal. abr neeei das het natürlech noni glängt für dä tag, plötzlech lüchtet doch tatsächlech no z öllämpli uf! drum simr de z kingston gad abem highway zunere tanksteu, dä jung herr het üs abr nid gross chöne häufe u isch mits im gspräch drvo daser si hamburger het chöne fertig ässe... z kingston hets abr natürlech ou e canadien tire (lade mit outozuebehör u service usw). simr de dört vrbi u di hei üs tatsächlech chöne häufe, iihaaa!! di erschte vom canadien tire wo öpis a üsem vw bus wei flicke! di angere heisech ging gweigeret...
nachdäm mr de dört ou es paar stündli vrbrocht hei, heimr gfunge dasmr doch gad dört nöime e camping sueche! dr chris, arbeiter dört, het sogar no uf sini zyt üse radio gflickt! sehr nätt... mit däm simr de am obe ou no gad eis, zwöi ga trinke! ändlech mau richtigi kanadier kenneglert, wunderbar! :)
und ja när ischs witer richtig montreal, womrjetz üsi erschti nacht vrbringe. abr mir hei feschtgsteut dasmr grossstädt hasse zum outofahre, isch soo müehsam! isch ging ersch rächt spät agschribe wenn me abe highway muess, het mega vrcher u bim outofahre si d kanadier nid würklech fründlech... überhole vo aune site wos müglech isch!
morn geits de ab downtown ines hostel u de gsehmr äuä de widrmau dr pädu, isch ja scho soo lang här ;)
ah und ja es isch würklech so z kanada französisch vrsteit me würklech chum! dönt aso ganz angers aus üses, probiere üs drum da mit änglisch dürezschlah! isch irgendwie sowiso nid so eifach vom änglisch is französisch umzdänke!
ja auso di nöchschti wuche vrbringe mr da umenang wöumr ja de am 1. u 2. ouguscht hie z montreal anes musig festival gö! :)
grüessli
nachdäm mr de dört ou es paar stündli vrbrocht hei, heimr gfunge dasmr doch gad dört nöime e camping sueche! dr chris, arbeiter dört, het sogar no uf sini zyt üse radio gflickt! sehr nätt... mit däm simr de am obe ou no gad eis, zwöi ga trinke! ändlech mau richtigi kanadier kenneglert, wunderbar! :)
und ja när ischs witer richtig montreal, womrjetz üsi erschti nacht vrbringe. abr mir hei feschtgsteut dasmr grossstädt hasse zum outofahre, isch soo müehsam! isch ging ersch rächt spät agschribe wenn me abe highway muess, het mega vrcher u bim outofahre si d kanadier nid würklech fründlech... überhole vo aune site wos müglech isch!
morn geits de ab downtown ines hostel u de gsehmr äuä de widrmau dr pädu, isch ja scho soo lang här ;)
ah und ja es isch würklech so z kanada französisch vrsteit me würklech chum! dönt aso ganz angers aus üses, probiere üs drum da mit änglisch dürezschlah! isch irgendwie sowiso nid so eifach vom änglisch is französisch umzdänke!
ja auso di nöchschti wuche vrbringe mr da umenang wöumr ja de am 1. u 2. ouguscht hie z montreal anes musig festival gö! :)
grüessli
Freitag, 17. Juli 2009
isch tatsächlech scho z Toronto
Hello together!
si jetz si d ändlä u ig scho ganzi 3 wuche ungerwägs u geschter simr scho z toronto acho!
ufem wäg da häre simr ines paar sehr chline dörfli glandet u ufem eint campground simr doch tatsächlech di einzige (bis uf es paar nid so schöni tierli im bad) gsi!
richtig oschte hets de leider nüm so viu tier wi ide rockies, hoffe ging no das mr gli mau e euch gseh abr gloube nid würklech dra...
üses outo fahrt ging no abr hei scho widr id garage müesse wöu d schibe eifach nüm het ufe wöue! z problem isch fang provisorisch glöst, irgendwie hei mr eifach e z aute bus für das si teili a lager hei! :( jä nu so lang daser fahrt isch ja no aues ok!
sit calgary heimr niemer meh troffe vo mire schueu, dr eint isch zwar jetz ou gad hie z toronto abr di stadt isch eifach zuu gross! morn geits de ab ga d niagara falls gugge, faus z wätter einigermasse schön isch! wöu hüt heimr wie dir ir schwiz ganz grusig, rägnet di ganz zyt u vo geschter uf hüt hets hurti schnäu chli ghaglet!
ufde campgrounds träffe mr immer widr es paar dütschi oder schwizer a, di si eifach scho überau :)...
ufem föteli woni ufelade gseht dr de üsi route womr bis jetz gmacht hei! vo vancouver bis uf montreal sis umdi 4'000 km! u das heimr ja scho gli gschafft! :)
ja di letschte täg heimr eigendlech nid viu angers gmacht aus outofahre u schlafe u zwüschdüre mau chli öpis ässe u ufem wäg es paar wasserfäu oder so agluegt! :)
hei gmerkt das so viu outofahre rächt müed macht! näme üs jedä obe vor am nöchscht morge de chli früecher ufzstoh abr bis jetz isch üs das irgendwie noni glunge... ;) abr isch ja nid so tragisch hei ja feriä...
auso irgendwie hani würklech gad keni spektakuläre news... drfür gits jetz no es paar föteli! häbet e gueti zyt gruuz
si jetz si d ändlä u ig scho ganzi 3 wuche ungerwägs u geschter simr scho z toronto acho!
ufem wäg da häre simr ines paar sehr chline dörfli glandet u ufem eint campground simr doch tatsächlech di einzige (bis uf es paar nid so schöni tierli im bad) gsi!
richtig oschte hets de leider nüm so viu tier wi ide rockies, hoffe ging no das mr gli mau e euch gseh abr gloube nid würklech dra...
üses outo fahrt ging no abr hei scho widr id garage müesse wöu d schibe eifach nüm het ufe wöue! z problem isch fang provisorisch glöst, irgendwie hei mr eifach e z aute bus für das si teili a lager hei! :( jä nu so lang daser fahrt isch ja no aues ok!
sit calgary heimr niemer meh troffe vo mire schueu, dr eint isch zwar jetz ou gad hie z toronto abr di stadt isch eifach zuu gross! morn geits de ab ga d niagara falls gugge, faus z wätter einigermasse schön isch! wöu hüt heimr wie dir ir schwiz ganz grusig, rägnet di ganz zyt u vo geschter uf hüt hets hurti schnäu chli ghaglet!
ufde campgrounds träffe mr immer widr es paar dütschi oder schwizer a, di si eifach scho überau :)...
ufem föteli woni ufelade gseht dr de üsi route womr bis jetz gmacht hei! vo vancouver bis uf montreal sis umdi 4'000 km! u das heimr ja scho gli gschafft! :)
ja di letschte täg heimr eigendlech nid viu angers gmacht aus outofahre u schlafe u zwüschdüre mau chli öpis ässe u ufem wäg es paar wasserfäu oder so agluegt! :)
hei gmerkt das so viu outofahre rächt müed macht! näme üs jedä obe vor am nöchscht morge de chli früecher ufzstoh abr bis jetz isch üs das irgendwie noni glunge... ;) abr isch ja nid so tragisch hei ja feriä...
auso irgendwie hani würklech gad keni spektakuläre news... drfür gits jetz no es paar föteli! häbet e gueti zyt gruuz
Freitag, 10. Juli 2009
Banff -> Calgary -> Swift Current -> Regina
Nachdäm mr z banff es paar tierli gseh hei simr de witer richtig calgary! d stadt säuber isch nid würklech spektakulär, öpe glich wi vancouver nume isch vancouver schöner weme beidi mau vo obe gseh het!:)
vom 3. bis am 10 juli isch da z stampede festival, isch au jahr 10 täg u isch sehr berüehmt! hei mir natürlech ou nid vrpasst!
het e riise funpark mit diverse bahne, im saddledome stadium chame diverses züg ga luege wi z.b. hirtehüng wo schaf zämetribe, ross wo chüe zäme tribe, diversi wettbewärbe wi ganzi musiggruppe vo ungfähr 50 lüt u no viu meh! z rodeo isch eifach super gsi, zwar zwüschdüre chli hert wenn si da de chüeh hei müesse d bei zäme binge nachdäm d cowboys si abem ross gumpet usw abr isch interessant gsi mau z gseh!
am abe hets de riise show gä mit mega füürwärk u musig usw. nachdäm das isch fertig gsi simr de mite angere 3 schwizer/franzose, womr scho z banff troffe hei, ar gliche schueu gsi si wie ig u när z calgary ufem glich camping gsi si wi mir, is country zäut ga feschte! jaja canadier wüsse auso ou wie party mache! :) auerdings isch ou dört scho am 1 fertig gsi när ischs ab hei! am nöchschte morge heimr üs de vode pädus u vom loic müesse vrabschide wöu si zrügg i weschte nach kelowna si u mir i oste bis uf swift current! dört simr auerdings nume ei nacht blibe. het üs ou glängt, d tier dört si irgendwie gaaanz komisch gsi!! zersch isch e vogu öpe 5 mau uf üses outo ghocket u het mitem schnabu gäge d schibe gschlage bis zum geht nicht mehr u när isch ou no sone chatz cho wo üs uf schritt u tritt vrfougt het! womr de hei wöue schlafe heimr doch tatsächlech e fauter entdeckt, wi froue haut so si heimr gfunge das dä use muess wöumr süsch eh nid hätte chöne schlafe... heimr haut mits ir nacht türe nomau ufto u plötzlech steit doch tatsächlech di chatz i üsem bus!! jaja am nöchscht morge ischsi de ou widr mit ufs wc cho...
und ja jetz simr äbe z regina u gö morn witer richtig brandon!
hie heimr sehr nätti camping nachbare, si chli mit üs cho plöiderle när isch d frou mit pins u canada fähndli vrbi cho usw :) to be continued...
grüessli
vom 3. bis am 10 juli isch da z stampede festival, isch au jahr 10 täg u isch sehr berüehmt! hei mir natürlech ou nid vrpasst!
het e riise funpark mit diverse bahne, im saddledome stadium chame diverses züg ga luege wi z.b. hirtehüng wo schaf zämetribe, ross wo chüe zäme tribe, diversi wettbewärbe wi ganzi musiggruppe vo ungfähr 50 lüt u no viu meh! z rodeo isch eifach super gsi, zwar zwüschdüre chli hert wenn si da de chüeh hei müesse d bei zäme binge nachdäm d cowboys si abem ross gumpet usw abr isch interessant gsi mau z gseh!
am abe hets de riise show gä mit mega füürwärk u musig usw. nachdäm das isch fertig gsi simr de mite angere 3 schwizer/franzose, womr scho z banff troffe hei, ar gliche schueu gsi si wie ig u när z calgary ufem glich camping gsi si wi mir, is country zäut ga feschte! jaja canadier wüsse auso ou wie party mache! :) auerdings isch ou dört scho am 1 fertig gsi när ischs ab hei! am nöchschte morge heimr üs de vode pädus u vom loic müesse vrabschide wöu si zrügg i weschte nach kelowna si u mir i oste bis uf swift current! dört simr auerdings nume ei nacht blibe. het üs ou glängt, d tier dört si irgendwie gaaanz komisch gsi!! zersch isch e vogu öpe 5 mau uf üses outo ghocket u het mitem schnabu gäge d schibe gschlage bis zum geht nicht mehr u när isch ou no sone chatz cho wo üs uf schritt u tritt vrfougt het! womr de hei wöue schlafe heimr doch tatsächlech e fauter entdeckt, wi froue haut so si heimr gfunge das dä use muess wöumr süsch eh nid hätte chöne schlafe... heimr haut mits ir nacht türe nomau ufto u plötzlech steit doch tatsächlech di chatz i üsem bus!! jaja am nöchscht morge ischsi de ou widr mit ufs wc cho...
und ja jetz simr äbe z regina u gö morn witer richtig brandon!
hie heimr sehr nätti camping nachbare, si chli mit üs cho plöiderle när isch d frou mit pins u canada fähndli vrbi cho usw :) to be continued...
grüessli
Freitag, 3. Juli 2009
Vancouver -> Victoria -> Whistler -> Jasper -> Banff
Jawohl das isch üsi route gsi bis jetz! Nachdäm mr no öpe e wuche z vancouver gsi si simr när ab mitr fähre nach Victoria! dört acho simr chli ga d stadt aluege u am nöchschte tag ga whale watching mache! isch eifach suuper gsi! hei ungfähr 6 wale gseh, dr eint isch richtig ufgumpet abr natürlech simr z spät gsi mit fötele :( isch rächt schwirig gsi es guets föteli z mache, da si immer nume churz si ufe cho u när widr ungerem wasser vrschwunde si...
am nöchscht tag isches när ab richtig whistler! isch e rächt länge wäg gsi drum heimr am erscht obe nüm würklech viu ungernoh! am nöchschte tag simr mitr gondle dr bärg uf, z oberscht hets sogar no e chli schnee gha u d ussicht isch eifach super gsi! ufem wäg abe mitem gondeli si diräkt unger üs 2 bäre am spile gsi u chli witer wäg isch e bäremuetter mit 2 chline ungerwägs gsi :) im summer isch whistler DAS bikerparadies! isch riiisig!
ufem camping heimr de när 3 bündner kenneglert, di hei üs de am nöchscht morge zum zmorge iglade, da si e camper mit chüeuschrank hei u mir ja äbe nid...
när simr de losgfahre richtig kamloops, dört simr nume e nacht blibe wöus chli z wit wär gsi diräkt uf jasper! dr wäg vo kamloops richtig jasper isch eifach mega schön gsi, di landschaft hie z canada isch eifach ungloublech!! u ufde föteli chunts haut eifach nüm so übere wi wemes gad gseht!
z jasper simr de ga ice age 3 luege bevor mr z füürwärk si ga luege (canada het am 1. juli äbe nationaufiirtag) nachem füürwärk isch auerdings nüm dr huufe gloffe drum simr de zrügg zu üsem campground, wo übrigens mitst im waud isch und me drum immer z ässe u so muess vrsorge wöu süsch bäre chöme.
Ja und aus nöchschts ischs när ab richtig banff, womr no bis morn si. ufem wäg dahäre heimr sooo viu tier gseh! widr e bär wo gad hinger üsem outo gmüetlech über d strass spaziert isch, geisse, ärdmännchen, es reh und gloub no chli meh :)
ja und hie z banff isch gloub z haube global village (mini schueu z vancouver), ha öpe scho 6 lüt vo dört gseh u mite einte düemr hüt obe gad grilliere!
morn geits de witer richtig calgary, dört isch de z stampede festival, so chli es cowboy festival, isch schins riisig! u dört si de gloub no meh lüt woni vo vancouver kene...
jaja hie isch eifach scho immer öpis los! :)
u üses outo louft nach es paar afangsschwirigkeite und 2 garage bsüech ou wunderbar! :D
bis gliii grüessli
am nöchscht tag isches när ab richtig whistler! isch e rächt länge wäg gsi drum heimr am erscht obe nüm würklech viu ungernoh! am nöchschte tag simr mitr gondle dr bärg uf, z oberscht hets sogar no e chli schnee gha u d ussicht isch eifach super gsi! ufem wäg abe mitem gondeli si diräkt unger üs 2 bäre am spile gsi u chli witer wäg isch e bäremuetter mit 2 chline ungerwägs gsi :) im summer isch whistler DAS bikerparadies! isch riiisig!
ufem camping heimr de när 3 bündner kenneglert, di hei üs de am nöchscht morge zum zmorge iglade, da si e camper mit chüeuschrank hei u mir ja äbe nid...
när simr de losgfahre richtig kamloops, dört simr nume e nacht blibe wöus chli z wit wär gsi diräkt uf jasper! dr wäg vo kamloops richtig jasper isch eifach mega schön gsi, di landschaft hie z canada isch eifach ungloublech!! u ufde föteli chunts haut eifach nüm so übere wi wemes gad gseht!
z jasper simr de ga ice age 3 luege bevor mr z füürwärk si ga luege (canada het am 1. juli äbe nationaufiirtag) nachem füürwärk isch auerdings nüm dr huufe gloffe drum simr de zrügg zu üsem campground, wo übrigens mitst im waud isch und me drum immer z ässe u so muess vrsorge wöu süsch bäre chöme.
Ja und aus nöchschts ischs när ab richtig banff, womr no bis morn si. ufem wäg dahäre heimr sooo viu tier gseh! widr e bär wo gad hinger üsem outo gmüetlech über d strass spaziert isch, geisse, ärdmännchen, es reh und gloub no chli meh :)
ja und hie z banff isch gloub z haube global village (mini schueu z vancouver), ha öpe scho 6 lüt vo dört gseh u mite einte düemr hüt obe gad grilliere!
morn geits de witer richtig calgary, dört isch de z stampede festival, so chli es cowboy festival, isch schins riisig! u dört si de gloub no meh lüt woni vo vancouver kene...
jaja hie isch eifach scho immer öpis los! :)
u üses outo louft nach es paar afangsschwirigkeite und 2 garage bsüech ou wunderbar! :D
bis gliii grüessli
Mittwoch, 1. Juli 2009
Abonnieren
Posts (Atom)
