From Saskatoon to Edmonton

Auso muess säge vo Saskatoon gits nid würklech viu z brichte! hei chli meh erwartet! d Stadt isch zwar gross, im vrhäutnis zu schwizer stedt abr gloffe isch gad gaar nüt! drum simr am simr de am 2. abe is riise chino mit öpe 12 vrschidnige säu gange ga Hangover gugge. z chino hie isch nid z vrgliche mit denä ir schwiz! isch riisig u du chasch aus mügleche zässe ha, popcorn, hotdog, nachos usw... das di nid längwilisch wenn ufe fium muesch warte hets no sone chline spiu salon gha mit diverse computer games! u d ticket hesch säuber bimene outomat chöne uselah... si gad e chli fasziniert gsi :)
am nöchscht tag heimr de wöue dr Wanuskewin Heritage Park go aluege, isch e park über d first nation abr mit üsem glück heter wäge umboute zuegha :( nachdäm mr de chli dür d stadt gloffe si u nüt schlaus gfunge hei simr doch no gad einisch is chino :) dasmau simr ga funny people luege, isch abr nid würklech z empfähle... z chino hie z canada isch rächt viu biuiger aus ir schwiz, hei 10 franke zaut u z 2. mau je nume 7, ke ahnig wiso abr het üs nid würklech gstört :) am abe ischs de ab ines pub wo üs mini lehrere empfohle het. isch no gmüetlech gsi, hei vrschidnigi bands gspiut, deu nid schlächt deu weniger guet...
Ufem wäg nach edmonton simr i elk island park gange, isch e nationau park wos Euche, Bisons, füchs usw. het. euche heimr leider widr keni gseh drfür isch gad näb üsem outo e bison umespaziert!! es riiise vieh! u e fuchs heimr de schlussändlech ou no gseh!
ja und jetz simr no bis morn z edmonton. d West edmonton mall isch eifach riiisig! ke ahnig wi viu läde dases da inne het, fasch e chli z viu! u das isch nid aues, si hei no e indoor pool, e isbahn, e funpark, e minigoufbahn u gloub no meh!! eifach zuu riesig!
abr ja das isch öpe gad z einzige wo edmonton z biete het. am namittag simr chli ir stadt umegloffe u hei keni pub u keni läde gfunge. abr ufeme platz si konzärt gsi vo vrschidnige bands. dört heimr de ou dr faton kenneglert u dä het üs de zeigt wo sech di vile pubs befinde. si drum de widreinisch i usgang, wenn me scho e guide het muessme das ja scho chli usnütze :) sooo mega lang heimrs abr de nid usghaute, sis üs haut eifach nüme gwöhnt ;)
ja und morn geits de irgendeinisch witer richtig kelowna (isch ir wiigägend u schins sehr schön). bis dahin, heits guet!!!