Skype!!

Hello together!

Ha nume schnäu wöue informiere dasi jetz süsch skype installiert ha... :-)mi name wär livae5

Faus irgendöper ou skype het chame ja mau telefoniere, that would be nice!

Häbets guet! grüessli livia

Schwizer... Everywhere

First Week

So di erschti wuche isch scho gli düre, läck wie doch di zyt vrgeit!! Mi 2. "brüetsch" isch übrigens japaner und heisst joshi:-)
Ir schueu si sehr viu schwizer, das heisst i üsere klass si 6 schwizer, 5 koreaner u 1 japaner! aber ir schueu dörfe mir ja sowiso nume änglisch redä! aso wenn eim e lehrer ghört dütsch redä darfsch gad fürne tag hei! u bim 3. mau flügsch vodr schueu! huiuiui ;) am afang isch das rächt komisch wenn ir pouse nume unger schwizer bisch abr mi gwöhnt sech eigendlech rächt schnäu dra!

D stadt chunt eim am afang riisig vor abr wemes chli kennt ischs irgendwie gar nüm soo gross (het abr umdi 600`000 iwohner)! z guete z vancouver isch das eifach würklech mits ir stadt bisch u wenn mau chli is grüene oder a strand wotsch muesch vilech 20 minute loufe (wenn weisch wo düre... ;) )
was eim grad uffaut, vorauem am abe, isch dases sehr viu obdachlosi het! das hani bis jetz eigendlech no niene gseh! abr süsch ischs würklech easy, d lüt si au sehr fründlech u häufe dr wenn irgendöpis geisch ga frage!

Ja süsch gits eigendlech no gar nid viu z brichte, bi ging chli mite gliche zäme (aues schwizer user dr chris mi "brother").... Da ig im norde wohne isches eifach nid so gäbig zum heicho, zwüschdüre si d seabus/busvrbindige nid grad dr hammer! aber süsch chani mi nid beklage, muess nidemau säuber wäsche :D

So das wars vo derä wuche, häbets guet grüessli livia

Ändlech acho!!! :)

So nachdäm mi d Melanie u dr Clödu uf Züri brocht hei ( Merci no einisch) bini uf mi elei gsteut gsi huiuiui... abr i gloube z haube Flugzüg isch vou gsi mit junge Lüt wo uf Vancouver si! Nach 14 Std. flüge u öpe 5 Std. süsch umenanghocke hanis ändlech gschafft, bi z Vancouver acho! :)
När ischs mitem Taxi ab zu mire Hostfamily! Ha festgsteut das Vancouver eifach würklech riiiisig isch!!! vor Gägend hani noni viu gseh abr das woni gseh ha isch super! D Family isch sehr nätt! Usser mir si no 2 angeri da, dr Chris vo Frankrich u süsch no eine woni noni so gnau weiss wärs isch...
So när geits ab ga DownTown unsicher mache;-) Häbets guet u bis zum nöchschte mau!!!
Liebi Grüess Livia
Ps Merci Vati, Mutti, Nadja, Böbes, Grosi, Vreni, Daniele, Melanie, Clödu, Götti, Jülä, Nate, Ändlä, Manu u Jöggä fürs Büechli u di vile Sache wodr heit drigschribe u drigleit!!! Dir sit super!

Morn isches so wit... :-)

Hello together!

So morn isches ändlech so wit u ig ga ab nach Vancouver!!! :-) wünsche öich aune e gueti Zyt! U hoffe das die einte oder angere zwüschdüre chli chöme cho Brichtli läse! Gibe mr aso Müeh chli regumässig z schribe u Föteli ufezlade...
Liebi Grüess Livia