Wunderbars weekend gsi

z letschte weekend isch wi eigendlech jedes bis jetz wunderbar gsi! :-) friti obe isch widr roxy agseit gsi! am samschti nami ischs när ab nach Deep Cove (es chlises dörfli öpe 10 minute z fuess entfärnt vo mir). dört het mini hostmuetter dragon race gha, isch gsi wines chlises festival, sooo viu lüt, ungloublech! dragon race isch miteme "kanu" wo team à 20 lüt gägenang akämpfe, wär am schneuschte isch het logischerwis gwunne!
deep cove isch im summer sicher de sehr schön, e see, e wise u d hüser dört si nid ganz ohne, au rächt gross, öpe vor jedäm huus 3 outo usw...
am abe ischs ab is cambie pub womr de ändlech es paar kanadier/inne kenneglert hei, isch sehr luschtig si vorauem wägdr gruppe näbe üs am tisch! dört isch eine drbi gsi wo äuä z erschte mau i sim läbe het aukohou trunke... au angere i däm pub sitze oder stöh u redä u är het eifach vougas gäh mit "tanze" (weiss würklech nid obme däm cha tanze säge, too much!!!)
wöu am samschti am yoshi (mi japanisch hostbrüetsch) si geburtstag isch gsi, ischs am sunnti mittag ab ines all you can eat sushi restaurant gange mitr family! dört hesch für 14 dollar pro person eifach chöne ässe so viu wide hesch möge!!! isch super gsi! sushi isch zwar nid gad mis lieblingsässe abr isch gar nid mau so schlächt! u het ganz viu vrschidnigs gä wie z.b. chicken wings, suppe, "flühlingslollen;-)" usw. isch würklech fein gsi!!
ja u när hani eifach mou müesse deheime blibe u relaxe!! jaja muess zwüschdüre ou si!
geschter nachdr schueu heimr üses erschte "after-school-class-meeting" gha, si zersch au zäme ga ässe u när eis witer is malones (üsi stammbar) eis, zwöi ga trinke! d koreaner hei gar nid viu meh brucht denä isches gloub scho nachem erschte jägermeister nüm würklech guet gange! ;-) si när riiichtig gsprächig gsi! jaja dä cheibe aukohou ;-)
wöumrs so guet gha hei zäme simr üs am überlegä jetz au mänti so öpis z mache, einisch ines schwizer restaurant, einisch es koreanischs u natürlech es japanischs!!
isch würklech sehr interessant sache us ihrne kulture z erfahre wie z.b. je lüter d japaner ihri nudle "schlürfe", desto besser si si, koreaner hebe z glas bim astosse i beidne häng u luege nang nid id ouge usw...
ja u jetz isch de tatsächlech scho d heufti vor schueuzyt vrbi, unbelievable!
jaja git sicher scho gli widr es paar gschichtli z vrzeue! häbet no e nice week! livia

Roxy rocks, dr bescht usgang gsi bis jetz!!

ja z roxy isch würklech suuper! spiut meistens e coverband u choschtet nume 12 dollar für ine! u mir heis am samschti gad richtig breicht! d band het songs vo coldplay, u2 usw gspiut! it was amazing! :-) dört bini ou nid z letscht mau gsi...

5th week!

hallihallo together!
so zyt geit düre wie weiss ou nid was!! isch ja eigendlech es guets zeiche, süsch wär öpis äuä nid guet!
auso dr usgang hie z vancouver isch seeehr guet, ar granville street isch eifach ei club/pub nachem angere u bide guete muesch äbe öpe scho am haubi 9i ga astoh das när nid 2 stung dusse muesch warte oder du gisch am türsteher 20 dollar daser di ufd "gästelischte" duet! abr da gani lieber früecher aus däm no gäud z gä!!
ha am mänti im bus gad e schwizer kenneglert wo letscht weekend isch acho u jetz öpe 10 hüser wit wäg wohnt vo mir! :) das heisst ha jetz ev öper meh wo mit i usgang chunt u me när cha z taxi teile ;) abr äbe isch scho schreg im bus lert me schwizer kenne und nid kanadier... naja
ah und bi inzwüsche ou es bizi hockey süchtig worde! irgendwie wirsch das hie äuä outomatisch wöu eifach jedä kanadier liebt hockey und würd so einiges mache für a match z go! i bi leider no nie amene canucks match gsi u wirdes äuä ou nid würklech schaffe... abr geschter simr gad im cambies (es pub) gsi zum luege u di stimmig dört isch eifach ungloublech gsi!!! abr die wo scho live si drbi gsi säge dases nid z gliche isch wi ir schwiz! hie sitze aui u d stimmig isch äuä ou ganz angers (kenne mi da haut nid würklech us ;-) ) d azeig vor hautsteu vore am bus wächslet immer zu "go canucks go" wenn si es spiu hei!!:-)
am mänti nachdr schueu simr uf granville island gange, isch gad näbe vancouver muesch vilech 10 minute bus fahre und es isch eifach suuuper!! dört gits aues, RICHTIGS brot, gipfeli, schwizer chäs, fleisch, berliner usw! aso dört bini sicher nid z letscht mau gsi! wöu irgendeinisch hesch das cheibe toastbrot eifach gseh!!! u hüt ir schueu hani züpfe gha!! :D am eint sini eutere sine cho bsueche när het sini muetter e züpfe bachet, es tröimli i säge öich! ;)
ja u hüt isch mau chli ruhetag, d.h. deheim blibe u ev mau chli früeh is bett dasi de ab morn widr i usgang cha!!! :D isch sehr wichtig, üsi lehrere het de koreaner ou gseit si söue mit üs cho trinke das si ou mau chli mit angerne redä aus nume mit ihrne landslüt! :-) jaja so geit das hie hehe!
häbet de ou es nice weekend!! byebye

my homestay

Lighthouse park

Easter Weekend and more...

So jetz isch doch das länge weekend ou scho widr vrbi! :-(
unger dr week isches haut ging so chli routinemässig, id schueu, zwüschdüre (sehr oft) nachdr schueu no eis ga näh, hei ga ässe u ufgabe mache u när fat scho gli dr nöchscht tag a!
irgendwie vrbring ig öpe e viertu vo mim läbe imene bus oder taxi oder indäm i ufe bus muess warte (jaja d vrbindige si nid so guet wi ir schwiz).... abr ou dört erläbt me sache :-) d taxi fahrer si meistens seeehr gsprächig, weme vom usgang hei chunt u so richtig ko isch fasch e chli zu gsprächig! dr letscht het chli mitmr wöue änglisch lerä und gred und gred und gred... naja isch no amüsant gsi u zyt isch rächt schnäu düregange! zum glück kenn ig mi heiwäg einigermasse guet wöu d fahrer hei meistens ke ahnig wos düregeit!
was hie gaaanz angers isch aus ir schwiz das d lüt im bus oder ufdr strass eifach mit dir afö redä o wenn si di nid kenne! zwüschdüre närvig abr meistens sehr amüsant!
ja die wuche isch eigendlech nüt spezieus passiert... bi ging wie ging chli z downtown i usgang u hüt simr i lighthouse park, isch e park im weste vo vancouver, rächt chli abr sehr schön wenn am beach bisch! dört steit äbe de ou dr lüchtturm usw!
vor ostere hani eigendlech gar nüt gmerkt, isch gsi wi jedes angere weekend haut eifach chli lenger :)
wie immer hani jetz no ufe letscht drücker mini ufgabe fertig gmacht.... jaja ging z gliche ;-)
so i wünsche öich e schöni zyt und bis zum nöchschte mau!

Whistler

So das weekend isch eifach super gsi! si z achte höch uf whistler (dört finge nöchscht jahr di olympische spiu statt). leider simr nid ga boarde wöumr no aues hätte müesse miete usw drfür heimr party gmacht u si am sunnti ga ziptrek mache isch eigendlech öpe wi forest jump nume äuä viiiuuu höcher läck du mir die ussicht eifach great!! si 5 vrschidnigi pöschte gsi, si sogar chopfüber gflitzt :-) ha leider dr föteler nid chöne mitnäh wöui ke täsche gha ha abr die wo facebook hei chöi dört 3, 4 ga luege! u es video existiert gloub ou no...
eh ja item si am friti abe acho u mau seeehr positiv überrascht gsi vo üsere lodge! e stube, chuchi, 2 zimmer u 2 bad, not bad ;-) u wemer z bikini hätte drbi gha hätte mr sogar no i pool chöne abr äbe wenn das wörtchen wenn nicht wär.. am abe ischs de gad mau so richtig i usgang gange!! aso für aui wo mau uf canada gö isch whistler würklech z empfähle! di 2 täg si viu z schnäu vrbi gange abr wär weiss vilech schaffis ja no einisch bis dört häre....
muess säge bi froh wenn de d schueu düre isch (i weiss ha ersch 2 wuche hinger mir...) abr es isch haut scho nid eifach nach 2.5 jahr widr ines klassezimmer z hocke!! hüt isch z erschte mau so richtig warm gsi! fröie mi richtig ufe summer :-) gmüetlech nachdr schueu a sea usw!
hoffe öich aune geits guet?!
liebi grüess us vancity livia

ps ha hüt gad erfahre das am samschti no e studäntin meh i mini hostfamily chunt, d maria vo brasilie, si auso e richtigi multikulti family :-)

Whistler

Wie doch die zyt vrgeit....

jaja jetz sis de tatsächlech scho gli 2 wuche! muess säge widr id schueu ga isch nid so eifach nach 2.5 jahr schaffe!! d lehrere womr hei isch zwar super abr äbe isch haut eifach schueu... ;-)
geschter simr ändlech mau nid nume unger schwizer gsi nach dr schueu! 2 koreanerinne si ou no mitcho eis cho näh, und di si gar nid so schüch wime meint...!! und ha gad widr öpis nöis glert! d koreaner hei nid nume e nationale und internationale name, nei si hei ou es nationaus und internationaus auter! das heisst mitem koreanische auter sisi eis jahr euter wöu dört scho z läbe im buch vor muetter aus eis jahr zeut! ihre erscht geburtstag isch auso d geburt! jaja mi lert immer widr nöis drzue :-)

Ja süsch gits gar nid würklech nöiigkeite, ga haut jedä tag id schueu... mini hostfamily isch würklech super abr dr ort wosi wohne naja! i cha eifach nid nachdr schueu hei u när no schnäu einisch eis ga näh oder so wöus nid rändiert! U weni unger dr week i usgang ga, chani eifach nid deheim ässe wöui süsch öpe 2 stung am tag nume im bus würd hocke! abr äbe git ja bekanntlech schlimmers aus das!

am friti nami geits mit 7 angerne ab nach whistler bis am sunnti abe :-) deu gö no ga boarde, ig wahrschindlech nid wöui aus müesst miete was rächt tüür chunt! abr ga party mache chame ja glich :-) mis nöchschte zieu isch ändlech mau es paar kanadier/inne kennezlerä!! si haut eifach würklech meistens nume unger schwizer im usgang u de fauts so richtig schwär änglisch z redä...

Okee das wars und dr nöchscht bricht gits äuä de nachem whistler-weekend :D ah und es rägnet toujours!! u hüt hets sogar schnäu chli gschneit, ungloublech! :-(
grüess livia