a few last pictures from Vancity

Last days in Vancouver

So morn isch mini zyt z vancouver würklech vrbi!! sit d ändlä da isch hani richtig viu ungernoh! ;) zersch simr nomau id 4th ave. ga tshirt poschte när ischs schnäu ab uf granville island! am nöchscht tag simr de ga z outo choufe u si jetz richtig stouz :) am abe ischs de ab id spaghetti factory nomau richtig fein ga ässe! isch auso z empfähle! eigendlech heimr hüt vorgha mitem velo ume stanley park z fahre abr z wätter het üs e strich dür d rächnig gmacht, drum simr när ab is aquarium! afangs juni isch dört e delphin ufd wäut cho! hei delphine, gaaanz viu vrschidnigi fische, robbe, otter, frösch usw... isch aso no schön gmacht abr het chli z viu lüt gha!
Nach däm simr no es letschts mau is cambie eis ga näh zum am räphu, bürgi usw tschüss z säge! ja und morn gäge mittag geits de mau ab, wüsse eifach noni gnau wohäre dasmr aus erschts wei ;) abr ja isch haut abentür pur!
wünsche öich e schöni zyt u bis z nöscht mau wenn mr widr internet hei!
grüessli livia

Üses eigete outo :D

so das wär z outo wo üs hoffendlech 3 mönet begleitet :D

Donnschti @ tunnel

Mittwuch @ roxy

Zischti @ celebrities

It's hard to say goodbye....

So jetz si di 3 mönet tatsächlech scho düre! u muess säge isch e hammer zyt gsi u bi sooo froh dasi das gmacht ha! ha hie so viu cooli, nätti, schregi usw lüt kenneglert vo so viu vrschidnige länder! di meiste zwar vor schwiz abr ou die si super gsi! isch irgendwie scho chli schreg jetz müesse tschüss z säge abr äbe morn chunt d ändlä a u när geits ersch richtig los!! ig wünsche öich aune e mega schöni zyt, geit äuä e momänt bis de dr nöchscht bricht chunt! git drfür no es paar pictures vo mire herte party wuche (zischti, mittwuch u donnschti soooo richtig ga feschte, iiihaaa) muess haut scho si wenn me deu vilech nie meh gseht.. :(

2nd BBQ @ Nando's homestay

Graduation

BBQ with classmates & teacher

celebrities, great party

today was my last school day :) or :( ?!

Jawohl dir heit richtig gläse, hüt isch tatsächlech scho mi letscht schueutag gsi!! jetz eifach no am zischti dr tescht u när isch widr fertig glert fürnes zytli!!
hmm weiss nid rächt obimi söu fröie oder nid das d schueu düre isch! ufdr einte site fröi ig mi meega, nüm soo lang hocke u zuelose (obwou mrs meistens sehr luschtig gha hei abr schueu isch haut eifach schueu), keni ufgabe meh usw! ufdr angere site wirdi d lüt us mire klass u ou es paar angeri vor gliche schueu rächt vrmisse!!! üsi klass isch eifach di beschti gsi! crazy, funny, unique... si am schluss würklech irgendwie wine family gsi! geschter obe simr au zäme no a beach go grilliere, volley spile usw! isch suuper gsi! morn geits ab ga zmörgele u när isch no graduation u när party :D
ja lade när no es paar biuder ufe vom BBQ u vom zischti obe im celebrities club! dä isch eifach aaangers super! ;-) isch normalerwis e schwule club abr au zischti isch meh studänte party u aui herre hei fröid wöu si mau erfahre wis isch weme aus frou ane bar geit u zersch bedient wird ;-) jaja dört hei mir haut dr chürzer zoge abr dr club isch aso z empfähle für aui wo mau uf vancouver chöme! bi drum de ou ersch öpe am haubi 5i am morge deheim gsi u de mau ufdi haubi 11i id schueu haha! a däm tag si 2 vo 12 studänte pünktlech gsi u dr räscht isch nach und nach inegschneit, das isch gloub di ganzi letschti wuche so gange!:-) auso git sicher no es brichtli bevor i d ändlä am flughafe ga go abhole :D:D iiihaaa

pics

so da gsehter es paar föteli vom kizilano beach, üsi chatz voodoo u e typische schueubus

only 2 weeks left and after i'm travelling with andrea :-)

sodeli am mänti hani dr erscht test *bibber, bibber* speaking isch agseit, abr nach 15 minute isches scho düre u när chöimr ab ga feschte ;-) när hani no zischti, mittwuch u donnschti schueu u am friti isch graduation agseit! am mittwuch nachdr schueu gömr de na mitr ganze klass a strand ga bbq mache u am abe ga karaoke singe, das wirdmr ja de öpis, vo üsere klass cha doch öpe niemer singe ;-) när d wuche druf hani nume no am zischti dr räscht, sprich reading, writing, listening u use of english u när isch das ganze scho vrbi!!! :) oder :(?! aso bi froh isch d schueu när ändlech düre abr di einte oder angere vo mire klass u denä woni jetz immer bi ungerwägs gsi wirdi gloub de scho chli vrmisse!! abr drfür isch ja när de d ändlä da!! :D jawohl när gö de d feriä ersch richtig los!!
es outo hani bis jetz noni gfunge abr mir wüsse emu scho was fürtigs dasmr wei, e riiiise car!!! huiuiui das wird mr de öpis wenn mir mit däm ungerwägs si! haha andrea und livia allein unterwegs durch gaaaanz kanada!
üses erschte zieu isch äuä de victoria, isch ja nume öpe 3 stung vo vancouver entfernt, ga wale luege weimr äbe de ou u när ändi juni mache mir üs äuä de mau ufe wäg richtig montreal, das heisst würklech vom weste richtig oste! gloubes emu ;-) dört müesse mr ändi juli acho wöumr när am 1. u 2. ougust anes festival gö mit bands wie coldplay, the roots, arctic monkeys usw...
ja ab ändi juni gits äuä de nüm so viu brichtli wöumr toujours ungerwägs si u so... und im nirgendwo heimr äuä de nid würklech empfang...
so ga när mau ab ga ässe! häbet e schöni zyt! grüessli