jepa jetz sis tatsächlech scho 7 wuche woni wäg bi! u zyt raset immer no! das wucheänd isches z erschte mau so riiichtig warm gsi drum simr de ou mitem velo chli im stanleypark desumegfreset!! isch wunderschön dört, het überau riisigi wiesene usw!
am abe ischs widrmau is roxy, ha e ganzi stung dörfe astah für ine, machi niemeh u hani ou nume gmacht wöu kollegä scho si dinne gsi!!! läck isch das müehsam!
ja am sunnti hani no gad einisch is metrotown dörfe wöusi mr letscht week di fautschi schuehgrössi ipackt hei!!! :( dasmau bini abr elei gange, isch viu gäbiger! abr z viu darfi nüm ga, dört chame nid häre ohni öpis z choufe!! bi 400 läde isch das aso würklech no schwirig!!
hüt simr mitr schueu is police museum z vancouver (gastown) isch scho no interessant gsi, haut eifach museum ;)
ufem heiwäg hani de dr räphu (mi schwizer nachbar) troffe, när simr mau ir nöchi vo üsere homestay ines mega ichoufszäntrum! di dimensione si eifach nid normau!!! hoppla schorsch! di nachfougende pics si vom museum und di ungloubleche dimensione vo chips, riis u so ;)
yes and now i'm looking forward to the next weekend!! :) am mänti isch nämlech victoria day, das heisst, längs weekend :D ja das wärs widrmau... isch gloub gad nüt spektakulärs passiert... häbets guet grüessli
Abonnieren
Kommentare zum Post (Atom)
Keine Kommentare:
Kommentar veröffentlichen