Merci für öii geburtstags sms!!

Hello everybody! merci viu mau au denä womr e charte gschickt, es sms oder e facebook nachricht gschribe hei!! ha e richtig schöne tag vrwütscht, usser dasi haut id schueu ha müesse ;) abr dört heisi gad 2 mau fürmi gsunge u d koreanerinne heimr e turte bracht!! :-) si au soo nätt, si e richtig gueti klass!!
spöter geits de ab is malones u is roxy chli ga feschte... git natürlech de es paar pictures i de nöchschte täg!
z letschte weekend isch ja richtig läng gsi wägem victoria day am mänti :D
drum bini doch gad nach new westminster (1 std mitem bus u skytrain vo nordvan us) ine outlet ga poschte!! :D isch richtig biuig gsi huiuiui, muessi äuä de ou no einisch häre ga!
und da ir nöchi vo mir hets gad es playland (e chline europapark), dört simr ga minigöufle, has abr irgendwie nid so im griff gha! muess säge d schwizer si da chli ifausricher mit vrschidnige bahne, hie het eini vilech e egge meh oder so abr isch nüt spezieus!
ja süsch hani gar nüt bsungrigs gmacht, chli i üses stamm pub ga biere am abe und natürlech am nöchscht tag chli usgschlafe u so :-) richtig gmüetlech!!
ja u nöchscht wuche heimr scho fake speaking test, zum luege wi dr ablouf isch usw!
jetz hani doch tatsächlech scho nume no 3.5 wuche schueu u när scho prüefig u när chunt scho d ändlä übere :D u de geits de ersch richtig los ;)
ah und wär vo öich kennt no z aute mario kart?? ha letscht week gad usegfunge dasmr das hei, sooo zviu!! heimr geschter gad e rundi, zwöi gspiut! ha eifach öpe ging vrlore abr isch sooo luschtig gsi!
jawohl, so jetz muessi mi ready mache für de när einisch mau i usgang, iiihaaa :D
bis zum nöchschte mau
livia