What a great week!

so di wuche isch eifach wunderbar gsi u geit gloub ou wunderbar witer! :-) im momänt sitzi nämlech gad gmüetlech im garte ufem ligistuhl miteme glas wasser näbedran u bi am musig lose, was wotme meh?! :-) u hüt morge ischs widr mau zyt gsi zum usschlafe u nid id schueu z ga :D muess haut zwüschdüre ou mau si, di 4 täg womr dörfe fähle muessme scho chli usnütze!!
auso am mänti obe simr a english bay beach (isch eigendlech gad ir nöchi vo downtown), richtig gmüetlech gsi, z einzige wo eim stresst isch das wenn d polizei dürelouft muesch d bier vrstecke ;-) wöu hie darfme ja äbe ir öffendlechkeit nid trinke, macht abr irgendwie glich jedä, emu am strand....
am zischti het de d jina (koreanere vo mire klass) geburtstag gha när simr is malones chli ga feschte!! isch richtig gmüetlech gsi!
mittwuch isch widreinisch raven pub abe gsi, wi eigendlech fasch jedi wuche, das mau isch richtig guet gsi, het mega viu jungi gha u würklech nume kanadier usser üs!
geschter ischs doch tatsächlech no gad einisch is raven (aso süsch bini ir letschte zyt nüm so viu wäg abr die wuche hets widrmau müesse si ;-) ) u drum hani mi äbe entschide hüt deheim chli z chille! jetz isches so richtig heiss, äuä nid wi ir schwiz abr gnue warm!!
das wucheänd loufe mr vilech ufe grouse mountain, mau gugge... ha no ke ahnig wi höch daser isch u wasme när dört aus cha mache abr somaud igs weiss gibis düre :-)
ja und jetz hani no 2 wuche schueu u när isch scho prüefigswuche u när chunt doch tatsächlech scho d ändlä übere, freude herrscht!! :-)
muessmi jetz de mau ufd suechi mache nacheme outo, isch hie zwar nid so schwirig, dr räphu, mi nachbar het gad eis für öpe 3'000 dollar kouft....
auso häbets guet, i muess jetz no chli brun wärde ;-) grüessli livia