Osoyoos -> Hope -> Chilliwack -> Vancouver

So widr zufde föteli scho gseh heit heimr z osoyoos widrmau tierli gseh! het dört 2 wüeschtine u di einti simr ga aluege! hei üs unger wüeschti zwar chli öpis angers vorgsteut abr isch glich no interessant gsi z gseh wi d lüt früecher so gwohnt hei usw. ufem wäg dür d wüeschti hets immer so schiudli gha vowäge achtung schlange, hei de tatsächlech ou eini gseh u ab denn ischs üs de irgendwie nüm so wou gsi....
När isches de witer nach hope, dört simr diräkt ufe camping! am nöchschte tag simr ga höhline u houzschnitzereie aluege, z hope gits au jahr e houzschnitzer wettbewärb, düe eifach us houzstämm vrschidnigi figure schnitze, gseht sehr schön us!! Aus nöchschts simer de bis nach chilliwack gfahre. und ja när isch widr mau chli action i üses läbe cho! si ga river rafte! :D bevormr is wasser si het doch dr guide erklärt wasme muess mache wenn me is wasser gheit usw u öpe 100 mau gseit dasme de cha stärbe usw... hei ja när öpe gar ke angscht gha! abr ja schlussändlech isches eifach nume suuper gsi!!! hätte mr gloub no gad es 2. mau gmacht! :)
nach däm abentür ischs witer richtig "heimat" ;) Vancouver!! :) het sech scho es bizi agfüeut wi heicho irgendwie.... bismr de z hostel vo inne gseh hei ;) isch z biuigschte woni je gseh ha, choschtet pro person pro wuche nume 100 dollar imne 2er zimmer!!! abr ja drfür si haut z wc u so nid gad dr hammer! u e chline mitbewohner namens kakerlake heimr doch tatsächlech ou! abr ja si ja eh fasch immer ungerwägs u schlafe nume dört.... ja wi gseit mir hei no viu vor hie z vancouver! hüt am abe simr de no gad bi mire gastfamily iglade zum ga ässe u zum tschüss säge! u ja när si de üsi länge feriä scho gli gli düre....
ja das isch eigendlech jetz dr letscht bricht gsi usem schöne canada! lade de di wuche no einisch es paar biudli ufe!
häbets aui guet u bis glii!!!!