Edmonton -> Red Deer -> Radium Hot Springs -> Revelstoke -> Kelowna -> Pendicton

Nach üsne Shoppingtoure ir West Edmonton Mall simr de witer gfahre bis nach Red Deer. Dört simr nume häre zum schlafe u när am nöchscht morge isches de witer nach Radium. Isch richtig schön gsi widr bärge u di mega schöni landschaft z gseh! B.C. isch haut eifach scho z beschte da z canada!! Ufem highway isch de ou es schiudli gsi vowäge don’t Stop wolf on highway...jaja mits ir wiudnis widr ;) D nationaupärk si eifach mega schön wome häre luegt isches eifach grüen! Oder deune orte leider ou brun wöus brönnt het!! Z dörfli z Radium isch richtig härzig, aui hüser si sehr schön zwäg gmacht mit blueme usw. z Radium gits ou d Hot Springs. Isch eifach wine pool abr z wasser chunt vore natürleche quelle. Dr camping isch widr mits im nationaupark gsi. Womr de d ussicht hei wöue go luege wos scho chli dunku gsi isch möget d ändlä plötzlech vowäge achtung es reh! U de isch doch tatsächlech mits ufem wanderwäg es reh oder öpis ähnlechs gstange! I bi gad chli erchlüpft u drum es paar meter zrügg gsecklet ;) haha! Hami abr de widr chli beruhigt u probiert föteli z mache was auerdings nid würklech isch glunge das scho dunku gsi isch... ☹
När isches de witer bis nach Revelstoke! Dört heimr eigendlech widr nume für 1 nacht gschlafe dasmr när am nöchschte tag hei witer chöne bis nach Kelowna! U ja was söui säge, Kelowna isch eifach es Tröimli!! Isch e mega schöni stadt im wiigebiet (okanagan valley).
Wöus so schön isch simr gad 6 täg dört blibe u hei z fasch z heisse wätter gnosse u si di meisti zyt eifach am see gläge u hei gsünnelet! Ufem glich camping wi mir si de no 2 angeri schwizerinne gsi wo einisch zu üs si cho bierli trinke! Einisch simr de ufe mission hill chli ga wii degustiere! Di ussicht vo dört obe abe isch ou super gsi! Und ja einisch simr sogar ga rite!! E ganzi stung, heis de när am nöchscht tag ou gmerkt vowäge muskukater... d frou dört het üs gar nid gross gseit wasmr müesse mache, chum dört acho hets gheisse hie das isch dis ross, stig uf u los isches gange! Mis ross isch leider chli es lahms gsi, het während derä stung öpe 10 mau eifach aghaute u nüm witer wöue! Irgendwie hanis de nacheme zytli glich immer widr gschafft dases witerlouft!:) zrügg bim hof hetsi üs de no ihri angere tier wi e sou u e pfau zeigt! När simr no gad rächtzytig cho zum häufe zun flicke.... währenddäm hetmi doch tatsächlech es ross agnosse!! Jaja isch irgendwie nid so mi tag gsi! U am letscht tag z Kelowna heimr de no d Moni, wo ou z Vancouver id schueu isch, u ihri kollegin troffe.
Ja u da mir jetz ging no fasch 3 wuche zyt hei heimr entschlosse di letschte kilometer no chli gmüetlech z näh! Drum isches jetz vo Kelowna nume 60 Km witer bis nach Pendicton gange! Wöu mr fasch igange si i derä hitz simr doch widrmau a beach gange,! Ja und jetz rägnets doch tatsächlech! Mau luege wis de morn usgseht....
Ah und es hetsech doch tatsächlech, hautet nech fescht, scho ei einzigi person gmäudet wo üses outo wot choufe!!! Hoffe mau daser de bis mir zrügg z vancouver si u biser üse bobby live gseh het immer no dr meinig isch dases z richtige fürne isch!
Bis gli!!!